• Adieux a la ville de lyon.........Clément Marot (1496 - 1544) .

    Adieux a la ville de lyon

    Adieux a la ville de lyon..........

    Adieu
    Lyon qui ne mors point,
    Lyon plus doulx que cent pucelles.
    Sinon quand l'ennemy te poingt:
    Alors ta fureur point ne celles.
    Adieu aussy à toutes celles
    Qui embellissent ton séjour;
    Adieu, faces claires et belles.
    Adieu vous dy, comme le jour.



    Adieu, cité de grand valleur,
    Et citoyens que j'ayme bien.
    Dieu vous doint la fortune et l'heur
    Meilleur que n'a esté le mien.
    J'ay de vous receu tant de bien,
    Tant d'honneur et tant de bonté.
    Que voulentiers diroys combien :
    Mais il ne peult estre compté.



    Adieu les vieillardz bien heureux,
    Plus ne faisans l'amour aux dames,
    Toutesfoys tousjours amoureux
    De vertu, qui repaist voz âmes:
    Pour fuyr reproches et blasmes.
    De composer ay entreprins
    Des epitaphes sur voz lames,
    Si je ne suis le premier prins.



    Adieu, enfans pleins de sçavoir,
    Dont mort l'homme ne déshérite ;
    Si bien souvent me vinstes veoir,
    Cela ne vient de mon mérite :
    Grand mercy, ma
    Muse petite,
    C'est pour vous, et n'en suis marry :
    Pour belle femme l'on visite
    A tous les coups ung laid mary.



    Adieu la
    Saône, et son mignon
    Le
    Rhosne, qui court de vitesse;
    Tu t'en vas droict en
    Avignon,
    Vers
    Paris je prends mon adresse.
    Je diroys : adieu ma maistresse ;
    Mais le cas viendrait mieulx à poinct
    Si je disoys : adieu jeunesse
    Car la barbe grise me poingt.



    Va,
    Lyon, que
    Dieu te gouverne;
    Assez long temps s'est esbatu
    Le petit chien en ta caverne,
    Que devant toy on a batu.
    Finablement, pour sa vertu,
    Adieu des foys ung million
    A
    Tournon, de rouge vestu.
    Gouverneur de ce grand
    Lyon.

    « De l'amoureux ardant.........Clément Marot (1496 - 1544)Sentiments et ressentiments des mots............Aimé Césaire (1913 - 2008).. »
    Google Bookmarks

  • Commentaires

    Aucun commentaire pour le moment

    Suivre le flux RSS des commentaires


    Ajouter un commentaire

    Nom / Pseudo :

    E-mail (facultatif) :

    Site Web (facultatif) :

    Commentaire :